Николоски: Македонија бележи рекорди во авио-сообраќајот, за еден месец македонските аеродроми опслужиле над 460.000 патници

Политиките за привлекување нови авиокомпании и отворање нови авиолинии веќе даваат конкретни резултати, а македонските аеродроми бележат рекордни бројки на патници и реализирани летови, изјави вицепремиерот и министер за транспорт Александар Николоски во гостувањето во емисијата „Вести Плус“.

— реклама —

Според него, Владата спроведува политика на субвенционирање и привлекување нови авиопревозници, што веќе се одразува врз зголемениот авионски сообраќај.

— реклама —

„Охридскиот аеродром само во еден месец опслужил 52.500 патници, што претставува раст од 41 процент во споредба со истиот период лани. На 20 јули беа реализирани повеќе од 20 летови во еден ден, што е апсолутен рекорд за аеродромот“, изјави Николоски.

Тој додаде дека и Скопскиот аеродром бележи историски резултати, со 409.000 опслужени патници и 2.670 реализирани летови во текот на јули. На 20 јули биле реализирани 101 лет во еден ден, што, според него, претставува нов рекорд.

— реклама —

Николоски оцени дека доколку продолжи сегашното темпо на раст, Македонија наскоро би можела да достигне четири милиони патници годишно.

Тој нагласи дека овие бројки се показател за зголемен број туристи и деловни посетители, што, како што рече, директно придонесува за развојот на туризмот и за раздвижување на економијата.