Како што истакнува министерот, во согласност со одлуката за определување највисоки цени на одделни производи во трговијата на големо и трговијата на мало, која е објавена во „Службен весник“, почнувајќи од 6.12.2021 година, се замрзнуваат цените што се применувале на 1 декември 2021 година во трговијата на големо и мало, и тоа на: лебот, шеќерот, брашното – тип 400, сончогледовото масло за јадење, трајното млеко со масленост од 2,8, 3,2 и од 3,5 %, свежото месо и сувомесните производи, сирењето и урдата.
Оваа одлука ќе важи до 31 јануари 2022 година, напиша министерот Бектеши на својот фејсбук-профил.
