Украинскиот функционер Јуриј Сак рече дека постигнатиот договор не е целосно она што го сакаат САД или Украина, но дека е „доволно добар“ за преговорите да продолжат напред.
„Многу работи што не ни се допаднаа беа отфрлени“, рече тој, додавајќи дека натамошните дискусии за безбедносните гаранции се клучни.
„Нема смисла да се потпише каков било договор за клучните минерали ако Русите можат повторно да нападнат еден месец по потпишувањето“, рече Сак.
Да потсетиме дека, според американските медиуми, Вашингтон не и дал цврсти безбедносни гаранции на Украина како дел од овој договор.
