„Нивните имиња не смеат да станат статистика“ – Бети Котовчевска со силна порака против фемицидот

Бети Котовчевска ја означи новата сезона на ледени капења, продолжувајќи ја традицијата што ја практикува веќе 11 години. Овојпат, како што најави, сезоната ќе ја посвети на жените, нивната сила, нежност и непокорност.

— реклама —

Во својата објава таа опиша дека ледените капења за неа претставуваат простор во кој се повлекува секојдневната врева, а во преден план остануваат здивот, студот и присуството. Тоа е искуство преку кое, како што посочува, човек учи да ги прифати чувствата, наместо постојано да се обидува да ги промени.

Годинава Котовчевска сака да им посвети посебно внимание на жените кои секојдневно водат невидливи битки, на оние кои се борат да бидат слушнати, почитувани и слободни, но и на жените кои ги загубиле животите како жртви на фемицид.

— реклама —

„Нивните имиња не смеат да станат само уште една статистика, ниту нивните животи уште една заборавена вест“, порача Котовчевска.

— реклама —

Таа нагласи дека на жените не им е потребен свет во кој мора постојано да бидат посилни за да преживеат, туку општество во кое ќе бидат безбедни и ќе можат слободно да живеат. Според неа, вистинската сила не треба да се мери само преку издржливоста, туку и преку солидарноста, храброста да се проговори, љубовта и одбивањето да се молчи.

— реклама —