Нов бран лажни дојави за бомби во училишта во Сплит и Риека

Нов бран лажни дојави за поставени експлозивни направи утрово ги зафати училиштата во Сплит и Риека, при што образовните институции повторно беа евакуирани од безбедносни причини.

— реклама —

Според информациите од полицијата, повеќе училишта примиле електронски пораки со закани за бомби, по што веднаш биле активирани стандардните безбедносни процедури. Учениците и вработените биле изведени од објектите, а специјализирани служби започнале проверки на терен.

— реклама —

Дојавите траат веќе неколку дена, при што десетици образовни установи во различни делови на земјата биле цел на слични закани. Само во реонот на Риека, заканувачки пораки добиле околу дваесет средни училишта.

— реклама —

Досегашните проверки покажале дека сите дојави биле лажни, но истрагата продолжува со цел да се откријат испраќачите. Според неофицијални информации, трагите водат кон сервери надвор од државата.

— реклама —

Министерот за внатрешни работи Давор Божиновиќ изјави дека секоја пријава се третира сериозно и дека е засилена меѓународната соработка преку европски истражни механизми, со цел идентификација на одговорните лица.