Нов голем пожар во Грција, ангажирани и противпожарни авиони

Нов пожар избувна во област со ниска вегетација во Дридза, во општината Коропи, јужно од Атина, поради што грчките власти спроведоа голема мобилизација на противпожарните сили.

— реклама —

Според весникот „Катимерини“, пожарот бил пријавен денеска околу 13:45 часот, по што било испратено предупредување до жителите во поширокото загрозено подрачје.

— реклама —

Во гаснењето учествуваат 52 пожарникари, три специјализирани тимови, 14 противпожарни возила, како и два авиона и четири хеликоптери, од кои еден ја координира акцијата од воздух.

— реклама —

Во интервенцијата се вклучила и општината Коропи, која испратила цистерни со вода.

— реклама —

На местото на пожарот е испратен и специјален истражувачки тим, кој ќе ги утврди причините за избувнувањето на огнот.