Нов потпорен ѕид во училиштето „Страшо Пинџур“ во Дреново

Во подрачното основно училиште „Страшо Пинџур“ во селото Дреново, Кавадаречко, изграден е нов потпорен ѕид поради обрушување на делови од претходниот, информираше градоначалникот на Кавадарци, Митко Јанчев.

— реклама —

Со градежните активности, реализирани од Општина Кавадарци, се зајакнува стабилноста на училишниот двор и се спречува понатамошно обрушување. Со тоа се создаваат побезбедни услови за учениците, наставниците и сите што го користат просторот.

— реклама —

Од Општина Кавадарци посочуваат дека продолжуваат со вложувањата во училишната инфраструктура, со цел подобрување на условите за образование и обезбедување поголема безбедност во училиштата во сите населени места.

— реклама —