Протестите кои според најавите се против присилна вакцинација продолжувааат утре пред Владата. На социјалните мрежи кружи најава дека ќе започнат во 19 часот пред Владата. Тие сметаат дека новите мерки кои се донесени се пречка за граѓаните да имаат слобода на избор - дали да се вакцинираат или не.
„Владата ги дискриминира луѓето со тоа што на вакцинираните им се дозволува пристап во јавни и приватни објекти, додека на невакцинираните ќе им бидат скратени дел од основните човекови права, подложни на притисок да се вакцинираат. Кои човекови права ги скратуваат со новиот закон? Право на слобода, право на слобода на движење, право на приватност, право на слобода на мисла, право на мирно собирање. Дали ќе потклекнете пред владата и ќе ја жртвувате вашата слобода? Како се чуствувате што владата ви влегува во приватниот живот и немате свој избор? Ако сега се предадеме никогаш нема да сме слободни,луѓе што не сакаат да се 💉 се во ризик да ја изгубат својата работа“, стои во највата.
Организаторите забрануваат присуство на политичари. Како организатори се впишани извесни „Давид Давид“ и Сандра Софковска.
