(Фото) Нов случај на несовесно одлагање мебел во Аеродром, Митески најави реакција

Оставање стар мебел покрај контејнерите и создавање диви депонии е проблем на кој мора да му се стави крај, порача градоначалникот на Општина Аеродром, Дејан Митески.

— реклама —

Преку објава на социјалните мрежи, Митески информира дека е регистриран случај на оставање стар мебел на само неколку метри од контејнерите, со што се создава нова дива депонија.

Според него, инспекциските служби веќе постапуваат по случајот, а градоначалникот упати благодарност до совесните граѓани кои реагирале и го пријавиле несоодветното одлагање на отпадот.

— реклама —

Митески ги повика жителите на општината да пријавуваат вакви појави до Општина Аеродром, по можност со фотографија и точна локација, за надлежните служби да можат навремено да реагираат.

— реклама —

„Ние ќе го исчистиме и ова. Но, оние што создаваат диви депонии мора да понесат одговорност!“, порача Митески.

Тој нагласи дека одржувањето на чиста животна средина бара заедничка одговорност и апелираше до граѓаните да не остануваат неми сведоци кога се создаваат диви депонии и се загадува просторот во кој живеат.

„Чист Аеродром е заедничка одговорност“, истакна градоначалникот.