Нов смртен случај од западнонилска треска: Бројот на починати се искачи на седум

Еден пациент починал, а регистриран е и еден нов сомнителен случај на западнонилска треска во изминатите три дена, информира министерот за здравство Сашо Клековски.

— реклама —

Починатиот пациент бил 69-годишен маж од Општина Гази Баба, кој имал коморбидитети и бил најдолго хоспитализиран – повеќе од 38 дена.

— реклама —

Со овој случај, бројот на починати од западнонилска треска во земјава се искачи на седум. Според Клековски, сите починати досега се мажи.

— реклама —

Во истиот период е регистриран и еден нов сомнителен случај, од Радишани.

— реклама —

Бројот на хоспитализирани пациенти останува 19, а здравствените власти продолжуваат да ја следат состојбата.