Француската национална метеоролошка служба издаде портокалов метеоаларм за топлотен бран во два департмана на југот од земјата – Еро и Источни Пиринеи.
Според прогнозите, за време на викендот температурите во јужните делови на Франција ќе достигнат до 38 Целзиусови степени, а метеоролозите предупредуваат дека горештините повторно ќе се интензивираат.
Од „Метео Франс“ потсетуваат дека периодот од 17 до 30 јуни претставуваше историски топлотен бран, како по неговиот интензитет и раното појавување, така и по големината на зафатеното подрачје.
Според официјалните податоци, јуни 2026 година беше најтоплиот јуни досега измерен во Франција, со просечна температура од 22,7 степени, што е за 3,8 степени над просекот за периодот од 1991 до 2020 година.
За време на екстремниот топлотен бран, дури 72 департмани истовремено беа ставени под црвен аларм, што претставува рекорд од воведувањето на системот за предупредување во 2004 година.
