Американскиот претседател Доналд Трамп повторно ја нападна италијанската премиерка Џорџа Мелони, објавувајќи нејзина фотографија на социјалните мрежи со коментар дека за неа е „потребна забрана за приближување“.
Новиот напад следува по нивната средба на самитот на Г7, одржан во јуни, во францускиот град Евијан. Тогаш двајцата беа фотографирани во разговор, а Трамп подоцна, во интервју за италијанската телевизија „Ла 7“, изјави дека Мелони го молела да се фотографира со неа.
„Ме молеше да се фотографирам со неа, ми беше жал. Веројатно беше среќна што разговарав со неа“, рече тогаш Трамп, предизвикувајќи остри реакции во Италија.
На неговите изјави тогаш одговори и Мелони, оценувајќи дека станува збор за бесмислени и неиспровоцирани напади. Таа додаде дека нејзиното пријателство со Трамп сигурно не придонело за нејзината популарност во Италија.
По најновата објава на американскиот претседател, прв реагираше лидерот на италијанската партија „Ационе“, Карло Календа.
„Трамп е подол и ситен насилник. Целосна солидарност со премиерката“, напиша Календа на социјалните мрежи, пренесува италијанската агенција АНСА.
