Нови цени на горивата: бензините поевтинуваат за 2 денари, дизелот поскапува за 1 денар

Регулаторната комисија за енергетика (РКЕ) донесе нова одлука за малопродажните цени на нафтените деривати, со која од 5 август 2026 година, од 00:01 часот, бензините ќе поевтинат, додека дизелот и екстра лесното масло ќе поскапат.

— реклама —

Според РКЕ, малопродажните цени на нафтените деривати во просек се намалуваат за 1,24 проценти во однос на претходната одлука.

Со новата пресметка, цената на ЕУРОСУПЕР БС-95 се намалува за 2 денари и ќе изнесува 91 денар за литар, додека ЕУРОСУПЕР БС-98 исто така поевтинува за 2 денари и ќе се продава по 93 денари за литар.

— реклама —

Од друга страна, ЕУРОДИЗЕЛ БС (Д-Е V) поскапува за 1 денар и ќе чини 99,50 денари за литар, а екстра лесното масло за домаќинство (ЕЛ-1) поскапува за 0,50 денари, достигнувајќи цена од 98,50 денари за литар.

— реклама —

Цената на мазутот М-1 НС се намалува за 1,680 денари по килограм и ќе изнесува 46,419 денари за килограм.

Од РКЕ информираат дека во пресметката повторно е применет намален износ на акцизата – 2 денари по литар за бензините и 4 денари по литар за дизелот.

Посочуваат дека станува збор за максимални малопродажни цени, а трговците имаат можност горивата да ги продаваат и пониски цени од утврдените.