Нови детали за несреќата во Хрватска: Синдикатот предупредувал за вагоните

Нови детали излегоа по денешното излетување на товарниот воз од шините кај железничката станица Меја, во близина на Риека, при што 11 вагони завршија во провалија. Синдикатот на машиновозачи предупредува дека исправноста на вагоните била доведена во прашање, додека компанијата-превозник тврди дека возилата ги имале сите потребни дозволи за сообраќај.

— реклама —

Претседателот на Синдикатот на машиновозачи на Хрватска, Ненад Мрган, го критикуваше превозникот „Трансагент“, тврдејќи дека синдикатот претходно предупредувал за безбедносни проблеми со вагоните. Според него, сличен инцидент со истиот превозник се случил и претходно.

— реклама —

Директорот на „Трансагент реил“, Тихомир Јандик, изјави дека локомотивата и вагоните ги поминале пропишаните проверки и имале дозволи за сообраќај низ Европската Унија. Тој смета дека проблемот може да биде поврзан со специфичностите на пругата кон Риека и сопирачките на вагоните при движење по надолнина.

Претседателот на Управата на ХЖ Инфраструктура, Дамир Лончариќ, ги повика превозниците да вршат потемелни проверки на локомотивите и вагоните. Тој посочи дека, доколку се утврди проблем со сопирачките, причината не би била во железничката инфраструктура.

— реклама —

Според првичните информации, машиновозачот пред несреќата пријавил дека сопирачките откажале и дека не може да го запре возот. Во несреќата нема повредени, а железничкиот сообраќај кај станицата Меја е прекинат. Засега не е познато кога ќе биде повторно воспоставен.

(Видео) Товарен воз излета од шините во Хрватска, 11 вагони завршија во провалија

Товарен воз на превозникот „Трансагент“ утрово излетал од шините на влезот во железничката станица Меја во Хрватска, при што 11 вагони завршиле во провалија. Нема повредени, но е причинета голема материјална штета.Несреќата се случила денеска, во 9:25 часот. Возот се движел кон Риека и превезувал жито, соопштила „ХЖ Инфраструктура“.Според досегашните информации, машиновозачот пред излетувањето го известил диспечерот дека сопирачките откажале и дека не може да го запре возот. Набргу потоа, композ

Свет | пред 2 седмици