Нови детали за превртениот автобус во тетовско: Немало патници, несреќата се случила пред да ги земе

Во тек е увидот на местото каде што денеска се преврте автобус во близина на Стенче, а според информациите до кои дојде „Скопје1“, возилото во моментот на несреќата било без патници.

— реклама —

Автобусот бил на пат да ги земе патниците кога, од засега непознати причини, излетал од патот и се превртел. Несреќата, според информациите, се случила пред патниците да влезат во автобусот.

— реклама —

„Скопје1“ претходно објави, повикувајќи се на „Тетово Инфо“, дека автобусот излетал од патот денеска околу 13:30 часот во близина на Стенче.

И првичните неофицијални информации од граѓани кои биле сведоци на настанот укажуваа дека автобусот бил празен и дека во него немало патници.

— реклама —

На местото се врши увид, по што се очекува да бидат познати повеќе детали за причините што довеле до несреќата.

Засега нема официјални информации за евентуално повредени лица. Повеќе детали се очекуваат од СВР Тетово.