Нови доларски банкноти со потпис на Трамп пуштени во оптек по повод 250 години од независноста на САД

По повод 250-годишнината од независноста на Соединетите Американски Држави, во оптек се пуштени нови банкноти на американскиот долар со потпис на претседателот Доналд Трамп, соопшти американскиот министер за финансии Скот Бесент.

— реклама —

Бесент на социјалната мрежа „Икс“ ја потврди одлуката, споделувајќи објава на претседателот Трамп со фотографија од новата банкнота од 100 долари.

„Не постои подобар начин да се одбележат историските достигнувања на нашата земја и на претседателот Доналд Џ. Трамп од американските банкноти со негов потпис. Соодветно е ова историско издание да биде претставено токму по повод 250-годишнината од основањето на државата“, напиша Бесент.

— реклама —

Според „Блумберг“, американските хартиени банкноти традиционално ги носат потписите на министерот за финансии и државниот благајник, а не на претседателот на САД.

— реклама —

Во изминатиот период, администрацијата во Вашингтон презеде повеќе чекори за истакнување на името на Трамп, меѓу кои и именување во Американскиот институт за мир, како и во управниот одбор на Центарот за сценски уметности „Џон Ф. Кенеди“, кој беше преземен на почетокот од неговиот втор мандат.

Подоцна, суд донесе одлука неговото име да биде отстрането од овој културен комплекс, додека во тек е и иницијатива Меѓународниот аеродром „Палм Бич“ во Флорида да биде преименуван во негова чест.

— реклама —