Нови напади би можеле сериозно да ги загрозат мировните преговори

Најновите американски напади врз ирански цели во близина на Ормускиот Теснец би можеле сериозно да ги искомплицираат мировните преговори меѓу Вашингтон и Техеран, предупредуваат аналитичарите.

— реклама —

Високиот советник во американскиот Центар за стратешки и меѓународни студии (CSIS), Марк Кансијан, за „Ал Џезира“ изјави дека последните американски напади биле со ограничен обем.

Според него, американските сили гаѓале ирански пловила кои поставувале мини, како и крајбрежни батерии што покажувале непријателски намери, можеби преку активирање на радарски системи.

— реклама —

Сепак, Кансијан предупреди дека ваквите напади можат негативно да влијаат врз тековните мировни преговори, во зависност од тоа како ќе реагира Иран.

— реклама —

„Иран може да испрати остри пораки и да ги продолжи преговорите, но може и целосно да ги прекине“, изјави тој.

Слична оценка даде и Мона Јакубијан, директорка и виша советничка на Програмата за Блискиот Исток при CSIS. Според неа, американските напади би можеле да доведат до распад на преговорите, бидејќи Техеран претходно се закани со одмазда во случај на нови удари.

— реклама —

„Иако двете страни можеби сакаат крај на конфликтот, краткорочната логика на војната, обележана со напади и контранапади, лесно може да ги надвладее напорите за ставање крај на судирот“, предупреди Јакубијан.