Нови приведувања во случајот со ФФМ: Уште четворица осомничени паднаа во рацете на истражителите

Од Обвинителството за гонење организиран криминал и корупција информираа дека во рамките на предметот поврзан со Фудбалската федерација на Македонија (ФФМ) се обезбедени уште четири лица кои претходно биле недостапни за органите на прогонот.

— реклама —

Според краткото соопштение на Обвинителството, двајца од осомничените денеска биле изведени пред судија на претходна постапка.

— реклама —

За едниот осомничен судот определил мерка притвор, додека за вториот се изречени мерки за обезбедување на присуство во текот на постапката.

— реклама —

Од Обвинителството посочуваат дека преостанатите две лица ќе бидат изведени пред судија на претходна постапка во текот на утрешниот ден.

Надлежните засега не соопштуваат дополнителни детали за осомничените, ниту за конкретните дејствија што им се ставаат на товар во рамките на истрагата за ФФМ.