Нови специјализираните возила за „Комунална хигиена“ и 3.300 контејнери за Скопје: Ѓорѓиевски најави засилување на јавната хигиена

Специјализираните возила наменети за ЈП „Комунална хигиена“ веќе му се предадени на Градот Скопје, а во наредните денови се очекува да започнат со работа, по завршувањето на потребните правни постапки, информира градоначалникот Орце Ѓорѓиевски.

Тој најави дека до крајот на неделава треба да пристигне и првата испорака од вкупно 3.300 нови контејнери, што ја опиша како најголема набавка досега.

— реклама —

Ѓорѓиевски нагласи дека подобрата јавна хигиена е важна за здравјето и квалитетот на животот на граѓаните, но и дека одржувањето на чистотата бара одговорност од сите.

— реклама —

„Нашата работа нека биде поттик за поголема грижа, а секоја чиста улица обврска таква и да остане“, порача тој.

Градоначалникот оцени дека Скопје подолг период се соочувало со проблеми во јавната хигиена и порача дека тие треба да се решаваат со конкретни активности и работа на терен.

— реклама —

„Со силна волја, макотрпна работа и заедничка одговорност, Скопје повторно ќе биде горд град“, порача Ѓорѓиевски.

— реклама —