Колумнистот Јавуз Селим Демираг во болница откако беше претепан со безбол палки, соопшти дневниот весник „Јеничаг“.
Весникот наведува дека нивниот колумнист бил нападнат од страна на пет до шест луѓе.
Причината за нападот на Демираг се уште е непозната.
Демираг важи за критичар на политиките на турскиот претседател, Реџеп Тајип Ердоган, а инцидентот се случува во време на зголемени тензии поради одлуката за поништување на резултатите од изборите за градоначалник на Истанбул.
