Новоизбраниот народен правобранител Фатон Селами денеска ќе ја даде свечената изјава пред претседателот на Собранието, Африм Гаши, со што официјално ќе стапи на функцијата.
Селами доаѓа на местото на Насер Зибери, чиј мандат заврши на 12 јули 2025 година, поради исполнување на условите за пензионирање.
Новиот омбудсман е дипломиран правник и магистер по правни науки, со положени правосуден и нотарски испит, а во својата професионална кариера има долгогодишно искуство во областа на правото и заштитата на човековите права.
Мандатот на народниот правобранител трае осум години, со можност за уште еден повторен избор, во согласност со Законот и процедурите утврдени од Собранието.
