Вработен во обложувалница во Ченто вечерва бил избоден со нож при обид за грабеж, дознава „Скопје1“.
Според првичните информации, нападот се случил во објект во Ченто, а повредениот вработен по инцидентот бил преземен од екипа на Итната медицинска помош и пренесен во Ургентниот центар.
На местото има засилено полициско присуство, а се преземаат мерки за обезбедување на просторот и расчистување на случајот.
Засега нема официјални информации за тежината на повредите на вработениот, ниту дали напаѓачот е идентификуван или приведен.
