Федерален суд во Њујорк објави документ што содржи наводна проштална порака поврзана со осудениот сексуален престапник Џефри Епштајн, која со години била запечатена во рамки на кривичен постапка против негов поранешен цимер во ќелија.
Пораката била вклучена во судскиот предмет од страна на судијата Кенет М. Карас, а според судските документи ја пронашол поранешниот цимер Николас Тартаљане во јули 2019 година, додека делел ќелија со Епштајн во Њујорк. Се наведува дека била напишана на жолта хартија.
Епштајн во август истата година беше пронајден мртов во ќелија во Метрополитенскиот поправен центар во Њујорк, а неговата смрт официјално беше прогласена за самоубиство.
Документот е објавен по барање на „Њујорк тајмс“, а судот оцени дека постои јавен интерес за негово објавување. Сепак, во него не е потврдено дека текстот навистина е напишан од Епштајн.
Во содржината на белешката се наведуваат тврдења за истраги против него и негови реакции на обвиненијата, вклучително и изјави дека бил под истрага без резултати и дека се соочувал со обвинувања со години наназад.
Судските документи дополнително нагласуваат дека автентичноста на пораката не е потврдена и дека таа не била дел од претходно објавените материјали поврзани со случајот. Министерството за правда на САД соопшти дека претходно немало увид во белешката, додека одбраната не се спротивставила на нејзиното објавување.
Пораката сега е дел од поширок судски досие во постапка поврзана со Тартаљане, кој е претходно осуден и издржува затворска казна.
