Облачно и дождливо денеска: температури од 6 до 15 степени, снег на планините од четврток

Македонија денеска ја очекува претежно облачно и свежо време, проследено со повремени врнежи од дожд. Минималните температури се движат меѓу 4 и 10 Целзиусови степени, додека дневните максимални ќе достигнат од 6 до 15 степени, зависно од регионот.

— реклама —

Во Скопје времето ќе биде облачно со краткотрајни врнежи од дожд и слаб до умерен јужен ветер. Температурите во главниот град ќе се движат од утрински 6 до дневни 13 степени.

— реклама —

— реклама —

Според најавата на Управата за хидрометеоролошки работи, од денеска до сабота ќе преовладува облачно и нестабилно време со повремени врнежи. Во четврток врнежите ќе преминат во снег на планините, а дневните температури ќе опаднат за 4 до 6 степени во споредба со денешните.

Стабилно време со разведрување и пораст на температурите се очекува од недела, кога облачниот бран постепено ќе се повлече.