Облачно со дожд и снег: Зимските врнежи се засилуваат, вистинска зима се најавува околу Нова година

Времето денеска ќе биде облачно со повремени врнежи од дожд, додека на планините врнежите ќе бидат од снег. Наместа, особено во источните делови од земјата, се очекуваат пообилни врнежи, кои локално ќе надминат 25 литри на метар квадратен во текот на 24 часа. Ќе дува слаб до умерен ветер од јужен правец.

— реклама —

Во Скопје времето ќе биде облачно со повремени врнежи од дожд, а ќе дува слаб ветер од југоисточен правец.

— реклама —

Утре се очекува променливо облачно време со повремени локални врнежи од дожд, најизразени во источните делови. На планините и на некои повисоки места врнежите ќе бидат од снег. Во текот на попладневните часови врнежите постепено ќе престануваат насекаде, а ќе дува слаб до умерен ветер од северен правец.

— реклама —

Во Скопје утринските часови ќе поминат со облачно време и повремени врнежи од дожд, по што следува стабилизирање, со слаб до умерен ветер од северен правец.

— реклама —

Скијачките центри во Македонија веќе се под снежна покривка, а врнежите од снег на планинските подрачја ќе продолжат и во наредниот период, што ќе придонесе за понатамошно зголемување и проширување на снежната покривка. Воедно, сè поизвесно е дека околу и по Нова година Балканот и Македонија ќе бидат зафатени од вистински зимски услови, со пообилен снег и пониски температури.