(Обновено) Автобус на ЈСП удрил пешак: има тешки повреди

Полицијата извести дека автобус на ЈСП удрил пешак во Скопје, кој што завршил со тешки повреди.

— реклама —

„На 28.02.2025 во 10.10 часот во СВР Скопје било пријавено дека на крстосницата од бул.„Крсте Мисирков“ и ул.„Петре Ѓорѓиев“ во Скопје автобус на ЈСП, управуван од Б.А.(50), удрил во пешакот Н.С.(70), двајцата од Скопје. Во несреќата со тешки телесни повреди се здобил пешакот, констатирани во Градската општа болница „Св.Наум Охридски“. Извршен бил увид од увидна екипа од СВР Скопје“, велат од МВР.

— реклама —

Од ЈСП на „Фејсбук“ велат дека пешакот се удрил во автобусот.

— реклама —

„Пешакот поминал после неколку метра од пешачкиот премин и гледајќи во телефон се удрил странично во возилото додека стоел автобусот во лентата за постојки за автобуси. Можете да се обратите во МВР и да добиете информации од направениот записник од извршниот увид од увидна екипа од СВР Скопје за точните информации, а не во случајов да се шират дезинформации“, велат од ЈСП.

— реклама —

Информацијата дека биле удрени двајца пешаци, е превид од наша страна. Станува збор за едно лице кое настрадало.