Обвинет во случајот со Груби побара превод на обвинението на албански, судот праша зошто тоа не било побарано порано

Пред да се изјасни за вина во предметот за „Државна лотарија“, обвинетиот Башким Авди побара обвинението да му биде прочитано на албански јазик, откако претходно побара и преведувач.

— реклама —

Неговиот адвокат Алиспахиќ пред судот образложи дека станува збор за лично право на обвинетиот, втемелено во законите, со цел целосно да разбере за што се товари пред да се произнесе во однос на кривичното дело.

„Ова е негово лично право втемелено во нашите закони, за да разбере за што се товари, пред да се произнесе по однос на кривичното дело“, рече адвокатот Алиспахиќ.

— реклама —

Судот реагираше на барањето и праша зошто во изминатите две недели одбраната не побарала обвинението да биде преведено на албански јазик.

— реклама —

Алиспахиќ одговори дека претходно не знаел оти неговиот клиент ќе побара обвинението да го слушне на албански.

Според него, не станува збор за тенденциозно барање на одбраната, туку за потребата обвинетиот целосно да разбере што му се става на товар на јазикот што му е мајчин и кој најдобро го разбира.

Барањето беше поднесено непосредно пред фазата во која обвинетите треба да се произнесат дали се чувствуваат виновни за кривичните дела што им се ставаат на товар.