Обвинителот од Кочани бара јавно Ива Михаилова да му се извини по обвинувањата за дискриминација и барање пари изнесени во бугарскиот поткаст

Јавниот обвинител од Основното јавно обвинителство Кочани, Игорчо Крстов, преку својот полномошен адвокат побара Ива Михаилова јавно да му се извини и да ги повлече изјавите што ги дала во поткаст на бугарски новинар. Тој смета дека нејзините тврдења го нарушиле неговиот углед и професионалната репутација.

— реклама —

Михаилова во гостувањето тврдела дека обвинителот ѝ упатил дискриминаторска порака поради нејзиното бугарско национално чувство, како и дека преку посредник од неа биле барани пари за да добие условна казна. Таа го нарекла Крстов „бугарофоб“ и го обвинила дека барал пари за поблага пресуда.

— реклама —

— реклама —

Крстов ги отфрла обвинувањата и ги оценува како клеветнички. Случајот бил тема и на завчерашното судско рочиште, кога обвинителот побарал да бидат прибавени нејзините изјави објавени на социјалните мрежи, како и целокупната документација за нејзината здравствена состојба, вклучително и податоците од системот „Мој термин“.

— реклама —

Барањето за извинување и повлекување на изјавите доаѓа додека продолжува судската постапка против Михаилова.