Министерот за внатрешни работи Оливер Спасовски објави пет мерки кои согласно новиот колективен договор стапуваат на сила од 1 јануари како награди и исплати за полицајците.
„Низа на новини кои ги усвоивме со Колективниот договор со Македонскиот полициски синдикат, а кои стапуваат на сила од 01.01.2022 година:
Награда во износ од 100 евра во денарска противредност за колешките кои ќе добијат принова
Исплата во износ од 20% средства наменети за храна за колегите кои работат ноќе
Исплата во износ од 5% на час за домашно дежурство во криминалистичката полиција, нешто што го немавме до сега
Награда во износ од 150 евра во денарска противредност на ментори за успешно спроведена менторска програма
Јубилејна награда во износ од пола од просечна плата за работен стаж од 10 години во МВР“, вели Спасовски.
