Од -4 утрово до 28 степени преку ден: Голема температурна разлика низ Македонија

Студено утро со температури под нулата во делови од Македонија, а сончев и релативно топол ден со температура до 28 степени најавува Управата за хидрометеоролошки работи.

— реклама —

Најстудено утрово било во Берово, каде што се измерени -4 степени. Во Битола е измерен 1 степен, додека 2 степени се регистрирани во Скопје-Петровец, Маврови Анови, Струмица, Демир Капија и Тетово.

Три степени се измерени на Попова Шапка, во Крива Паланка и Прилеп, а 4 степени во Велес и Куманово.

— реклама —

Во Штип, Кавадарци, Гевгелија и Охрид утринската температура изнесувала 5 степени. Во Скопје-Зајчев Рид, Крушево и Претор се измерени 6, а во Виница 7 степени.

— реклама —

Според УХМР, утрото ќе биде ведро и студено, додека во текот на денот ќе преовладува сончево и релативно топло време.

Ќе дува слаб ветер од северен правец, а максималната дневна температура ќе се движи од 20 до 28 степени.

Во Скопје времето ќе биде сончево и релативно топло, со слаб ветер од северен правец. Максималната температура ќе достигне до 26 степени.