Од март директни летови од Дубаи до Скопје трипати неделно

Скопје и Дубаи од март ќе бидат поврзани со директна авионска линија, на која ќе сообраќа авиокомпанијата Флајдубаи трипати неделно. Воспоставувањето на линијата беше официјално потврдено на средбата на министерот за надворешни работи и надворешна трговија, Тимчо Муцунски, со главниот комерцијален директор на компанијата, Хамад Обаидала.

— реклама —

Средбата се одржа во рамките на работната посета на Муцунски на Обединетите Арапски Емирати, а во фокусот на разговорите беа можностите за унапредување на економските и трговските односи меѓу двете земји.

— реклама —

Се очекува директната авиолинија да придонесе за полесно поврзување, привлекување нови инвестиции и зајакнување на туристичката и културната соработка меѓу Македонија и Обединетите Арапски Емирати.

— реклама —

Муцунски оцени дека воспоставувањето на линијата е конкретен резултат од активната економска дипломатија и напорите за подобрување на меѓународната поврзаност на земјата.

— реклама —

На средбата беше нагласена и значајната улога на Амбасадата на Македонија во Обединетите Арапски Емирати во остварувањето на оваа цел, преку посветената и континуирана работа во изминатиот период.