Регулаторната комисија за енергетика донесе нова одлука со која во просек се намалуваат малопродажните цени на нафтените деривати за 0,46 проценти во однос на претходната одлука.
Согласно одлуката, од 9 јуни во 00:01 часот бензините ќе поевтинат за два денари по литар, додека дизелот и екстра лесното масло за домаќинство ќе поскапат за 1,5 денари по литар.
Новата цена на ЕУРОСУПЕР БС-95 ќе изнесува 86 денари за литар, додека ЕУРОСУПЕР БС-98 ќе се продава за 88 денари за литар.
Цената на дизел-горивото ЕУРОДИЗЕЛ БС (Д-Е V) ќе изнесува 87 денари за литар, а екстра лесното масло за домаќинство ќе се продава по цена од 89 денари за литар.
Малопродажната цена на мазутот М-1 НС се намалува за 0,609 денари по килограм и ќе изнесува 47,297 денари.
Од РКЕ посочуваат дека промените се резултат на движењата на референтните цени на светските пазари, каде што бензините бележат намалување, додека дизелот и екстра лесното масло имаат раст.
Регулаторната комисија потсетува дека станува збор за максимални малопродажни цени и дека трговците имаат можност да ги формираат цените и на пониско ниво од утврденото.
