Министерството за внатрешни работи информира дека од сабота, 12 септември 2026 година, системот за сообраќаен надзор „Безбеден град“ ќе започне со работа и на подрачјето на СВР Велес.
По завршувањето на техничките проверки и финалните тестирања, камерите на системот ќе бидат активирани на сообраќајниците во подрачјето на СВР Велес.
Со воведувањето на „Безбеден град“ се очекува засилена и постојана контрола во сообраќајот, побрзо откривање на прекршоците, зголемување на сообраќајната дисциплина и поголема безбедност на патиштата.
МВР апелира до сите возачи доследно да ги почитуваат сообраќајните правила и прописи и со одговорно однесување да придонесат за побезбеден сообраќај.
