Денес не очекува променливо облачно и студено време, претпладне со слаб локален снег претежно на северот и во западните делови. Ќе дува умерен до засилен северозападен ветер најизразен во северните делови, а на југоистокот ќе биде со почести сончеви периоди. Минималната темепратура на целата територија на државата ќе се спушти под нулата, а во некои делови ќе достигне и до -16 степени.
Во Скопје времето ќе биде облачно, а претпладе се очекуваат врнежи од снег.
Во наредните денови ќе преовладува променливо облачно и студено време со максимални дневни температури под или околу нулата. Утринските температури ќе бидат многу ниски, а најстудено се очекува да биде во вторник наутро кога речиси во целата земја температурата ќе се спушти под -10, а на повеќе места и под –15 степени. Нови пообилни врнежи од снег се очекуваат во среда преку денот, но наутро ќе е студено.
