Одземени околу два тона небезбедно месо во Радовиш и 50 килограми месни производи во Пепелиште

Инспекциските служби на Агенцијата за храна и ветеринарство одзеле околу два тона небезбедно месо и месни производи при вонредни контроли во Радовиш, како и дополнителни 50 килограми месни производи од лице кое нелегално произведувало и продавало димени производи и чварки во неготинското село Пепелиште.

— реклама —

При контролите во Радовиш биле пронајдени свежо и замрзнато месо и подготовки од месо, кои треба да бидат уништени на депонијата „Дрисла“. Во Пепелиште, пак, одземени се 50 килограми производи, меѓу кои печениче, кулен и димена сланина.

— реклама —

— реклама —

Според Агенцијата, производите немале декларација за потеклото, а биле чувани и преработувани во несоодветни и нехигиенски услови, што претставува сериозен ризик за безбедноста на храната и здравјето на потрошувачите.

Од надлежната институција најавуваат продолжување на инспекциските контроли со цел спречување на нелегалното производство и продажба на небезбедна храна и заштита на здравјето на граѓаните.