Во сообраќајна несреќа што се случила синоќа на улицата „Марко Нестороски“ во Охрид, тешко е повреден 29-годишен охриѓанец кој управувал електричен тротинет.
Според информациите од СВР Охрид, несреќата била пријавена на 7 септември во 23:30 часот. Ј.Т. изгубил контрола над тротинетот и паднал на коловозот.
Тој се здобил со тешки телесни повреди, кои биле констатирани во болницата „Св. Еразмо“ во Охрид.
При увидот било утврдено дека Ј.Т. управувал под дејство на алкохол, при што во крвта му биле измерени 2,12 промили.
По целосното документирање на случајот ќе следува соодветна пријава.
