Охриѓанец се превртел со тротинет, имал 2,12 промили алкохол во крвта

Во сообраќајна несреќа што се случила синоќа на улицата „Марко Нестороски“ во Охрид, тешко е повреден 29-годишен охриѓанец кој управувал електричен тротинет.

— реклама —

Според информациите од СВР Охрид, несреќата била пријавена на 7 септември во 23:30 часот. Ј.Т. изгубил контрола над тротинетот и паднал на коловозот.

— реклама —

Тој се здобил со тешки телесни повреди, кои биле констатирани во болницата „Св. Еразмо“ во Охрид.

— реклама —

При увидот било утврдено дека Ј.Т. управувал под дејство на алкохол, при што во крвта му биле измерени 2,12 промили.

По целосното документирање на случајот ќе следува соодветна пријава.