(Видео) „‘Памперс мафијата’ на електрични тротинети“: Граѓанин бара полицијата да ги одзема возилата по инцидентот во тетовското училиште

Оштетувањето на рампата на влезот во ДСУ РЦСОО „Моша Пијаде“ во Тетово, за кое училиштето објави видео на социјалните мрежи, предизвика реакции кај граѓаните. На снимката се гледа како помладо момче со електричен тротинет поминува покрај рампата и ја оштетува.

— реклама —

Особено внимание привлече коментар објавен во фејсбук-групата „Го љубим Тетоо“, во кој граѓанин побара полицијата конечно да почне доследно да ги спроведува законските одредби за управување со електрични тротинети од страна на малолетници.

„Пак ‘памперс мафијата’ на електрични тротинети“, напиша тој, предлагајќи како прв чекор полицијата да преземе решителна акција и да почне да ги одзема тротинетите на оние што ги прекршуваат прописите.

— реклама —

Во коментарот граѓанинот изрази незадоволство од, како што наведува, толерирањето на малолетници кои управуваат со електрични тротинети спротивно на законските ограничувања. Тој смета дека ваквото однесување станува сè почесто и дека непостапувањето на надлежните испраќа порака дека правилата може да се прекршуваат без последици.

— реклама —

„Не се чудете после зошто ви немаат страв. Време е да почне спроведување и на тој закон“, порача граѓанинот, повикувајќи на поголема контрола и одговорност.

Од училиштето, пак, информираат дека рампата е оштетена по третпат во рок од еден месец. Случајот е пријавен до надлежните органи, а од раководството го осудија повтореното уништување на училишниот имот и апелираа за почитување на заедничката сопственост.

— реклама —

(Видео) Момче на електричен тротинет ја закачило и оштетило рампата на влезот во тетовско училиште

ДСУ РЦСОО „Моша Пијаде“ од Тетово објави видео на социјалните мрежи на кое се гледа како помладо момче со електричен тротинет поминува покрај рампата на влезот во училиштето и ја оштетува.Од училиштето информираат дека ова е третпат во рок од еден месец рампата да биде оштетена, поради што сметаат дека станува збор за намерно и повторено уништување на државен имот.Случајот е пријавен до надлежните органи, а од раководството најостро го осудија ваквото однесување. Особено загрижувачки, како што п

Македонија | пред 2 часа