Околу 600 пациенти до сега ја примиле моноклонална „коктел терапија“ кај заболени пациенти од Ковид-19 со тешки хронични заболувања на Клиниката за инфективни болести.
Ова го потврди директорката на клиничката болница, Милена Стевановиќ. Инаку терапијата беше набавена за 1.200 пациенти, а само двајца или тројца починале откако ја примиле истата.
- Терапијата се дава строго по сериозни индикации во рана фаза до 10-иот ден од болеста кај пациенти кои имаат коморбидитети, а имаат добар тек на живот со хроничната болест, информира Стевановиќ за ТВ24.
Кај најголем дел од пациентите инфекцијата се повлекла, кај други продолжила, додека починале неколкумина кај кои најверојатно лекот е даден доцна поради непрецизни податоци кога почнала болеста.
