Околу 800.000 раселени Либанци се враќаат во своите домови по прекинот на израелските напади

Околу 800.000 Либанци, кои беа раселени поради војната во јужниот дел на земјата, почнале да се враќаат во своите домови по прекинот на израелските напади, соопштија Обединетите нации.

— реклама —

Според ОН, досега 821.077 лица се вратиле во местата од кои биле принудени да заминат, додека повеќе од 360.000 луѓе и понатаму се раселени, од кои околу 26.000 се сместени во државни засолништа.

— реклама —

Израелската воена операција во Либан резултираше со повеќе од 4.300 загинати и стотици илјади раселени лица.

— реклама —

Во меѓувреме, во Рим се одржува седмата рунда преговори меѓу Либан и Израел, со посредство на Соединетите Американски Држави, за спроведување на рамковниот договор потпишан на 26 јуни.

Договорот предвидува либанската армија постепено да ја преземе контролата врз делови од јужен Либан и да го конфискува оружјето на Хезболах, додека израелските сили постепено се повлекуваат од тие подрачја.