(Фото) Две возила опожарени во Скопје за една ноќ, оштетени и објекти

Во текот на ноќта во Скопје беа пријавени два пожари во кои беа опожарени повеќе возила и оштетени објекти.

— реклама —

На 24 септември 2025 година, во 23:07 часот, во СВР Скопје било пријавено дека на паркинг простор на булевар „11 Октомври“ избувнал пожар во патничко возило „БМВ“ со скопски регистарски ознаки, сопственост на правно лице. Од огнот биле зафатени и патничко возило „Цитроен“ со скопски регистарски ознаки, како и дел од продажен објект.

— реклама —

— реклама —

Неколку часа подоцна, на 25 септември околу 03:47 часот, на улица „Дичо Петров“ избувнал нов пожар во возило „Ренџ Ровер“ со словачки национални ознаки, сопственост на В.Д. (41) од Скопје. Пламените го зафатиле и возилото „Голф“ со бугарски национални ознаки, како и дел од фасадата на станбена зграда и дел од продажен објект.

— реклама —

Во двата случаи пожарите биле изгаснати од екипи на Бригадата за противпожарна заштита, а за среќа нема повредени лица. Полицијата изврши увид и најави дека се преземаат мерки за целосно расчистување на случаите.