Денеска и утре, во Загреб, се одржува самит на Средноевропската иницијатива (СЕИ) на кој на темата за безбедност и економија ќе разговараат шест премиери и други високи претставници.
Во фокусот на состанокот е доаѓањето на унгарскиот премиер Виктор Орбан со кого Хрватска има неколку отворени прашања.
СЕИ е формиран во 1989 година во Будимпешта, а денеска членуваат Македонија, Албанија, Австрија, Белорусија, Босна и Херцеговина, Бугарија, Црна Гора, Чешка, Хрватска, Италија, Унгарија, Молдавија, Полска, Романија, Словачка, Словенија, Србија и Украина.
Претседателството на СЕИ од Хрватска ќе го преземе Италија.
