По повод новогодишните празници, Националната опера и балет (НОБ) на големата сцена ќе ја изведе божиќната балетска бајка „Оревокршачка“, а се најавени и три изведби на 24, 25 и 28 декември.
Со величествената музика на Чајковски, по кореографија на Василиј Иванович Ваинонен од Русија, претставата е пренесена од Михаил Крапивин од Русија, сценограф е Анатолиј Нежњи, а костимограф е Љупка Ристовска.
Во главните улоги настапуваат: Мими Поп Алексова Атанасовска, Бобан Ковачевски и Ела Канер од Турција во претставата на 24 декември; Ивана Коцевска, Балаж Лашеи од Унгарија и Ела Канер од Турција во претставата на 25 декември; Христина Наќевска, Балаж Лашеи од Унгарија и Ела Канер од Турција во претставата на 28 декeмври.
Настапуваат првенците, солистите, балетскиот ансамбл при Националната опера и балет и ученици од ДМБУЦ „Илија Николовски-Луј“.
