Не треба само владите да комуницираат, туку сите власти, рече Бујар Османи за тоа како ќе се враќа довербата со Бугарија. Според него, пратениците на двете држави ќе треба да комуницираат бидејќи можеби овие прашања ќе завршат пред нив. Дополнително, мрежите на соработка треба да ги има и во комуникациите меѓу невладините и медиумите. Тој додаде дека со Декларација и Договорот од Бугарија, не дозволува Македонија да се грижи за Македонците во Бугарија бидејќи немаат македонско државјанство.
„Избришан е членот со кој се вели дека Македонија е должна да се грижи за македонското малцинство“, рече Османи кој посочи дека Македонците во Бугарија правата ги остваруваат пред судовите.
Смета и дека историската комисија мора да одржува средби и да ги реши отворените прашања.
„Надежта е дека со враќање на довербата ќе се охрабрат историчарите да влезат во процесот по научни методологии да доаѓаат до заеднички наративи. Не може еднаш да одлучите се брзо, а потоа да нема напредок. Се обидувам да не се мешам во историската комисија. Претседателот на комисијата треба да го предложи седмиот член, по оставката, а јас да го предложам во Владата. За целовкупниот процес, дали треба да работат или не, ние како Влада мора да го гарантираме процесот за имплементација на Договорот со Бугарија“, рече Османи по што додаде: „Историчарите да не коментираат политички прашања, политичарите да не коментираат историски прашања. Историчарите не смеат да зборат за процесот кој ги дефинира политичките прашања. Нема да реагираме никогаш за тоа што тие (историчарите) коментираат за нивната работа“.
