Осум лица повредени за време на антивладините протести во Албанија

Осум лица побарале медицинска помош поради повреди здобиени за време на денешните антивладини протести во Тирана, кои ескалираа во судири меѓу демонстрантите и полицијата, соопшти албанското Министерство за здравство и социјална заштита.

— реклама —

Меѓу повредените се пратеник во албанскиот парламент, новинар, четворица демонстранти и полицаец. Шестмина добиле помош во Универзитетскиот болнички центар „Мајка Тереза“ и биле пуштени од болницата, додека полицаецот и уште еден новинар биле згрижени во Универзитетската болница за трауматологија. Нивната здравствена состојба е стабилна.

За време на протестите, демонстрантите ја запалиле општината во Тирана, како и влезната врата на Министерството за животна средина. Пламенот на вратата на министерството бил изгаснат, но пожар избувнал и на прозорец од истата зграда.

— реклама —

Ситуацијата дополнително се влошила откако демонстрантите фрлале камења и пиротехнички средства кон полицијата и државните институции. Безбедносните сили одговориле со солзавец и водени топови, а на повеќе локации во градот биле запалени контејнери и поставени барикади.

— реклама —

Протестите се одржуваат во услови на засилено политичко и социјално незадоволство во Албанија. Опозициската Демократска партија, предводена од Сали Бериша, во изминатите месеци организираше повеќе демонстрации со барање за предвремени избори, обвинувајќи ја владата на премиерот Еди Рама за корупција, лошо управување и влошување на животниот стандард.

Незадоволство изразуваат и студентски и граѓански групи поради економските услови, високите трошоци за живот, иселувањето на младите и состојбите во образованието.

(Видео) Запалено Министерството за земјоделство во Тирана

Пожар ја зафати зградата на Министерството за земјоделство во Тирана, Албанија, во време на насилни протести и ескалација на немирите во албанската престолнина. Демонстрантите фрлале молотови коктели, додека полицијата употребила солзавец и гумени куршуми.Во немирите биле опожарени и други владини објекти, а десетици лица биле повредени.

Балкан | пред 2 часа