Лет од аеродромот „Македонија“ во Солун кон Германија беше откажан синоќа, откако во еден од моторите на авионот беше пронајдена птица, пренесуваат локалните медиуми.
Авионот требало да полета во раните вечерни часови со околу 150 патници. По подолго чекање кај излезот за качување, патниците биле известени дека летот се откажува поради безбедносен проблем, односно присуство на птица во еден од моторите.
Според информациите, патниците треба да отпатуваат за Германија денес.
Според експертите, вшмукувањето птици во авионските мотори е еден од најчестите ризици во патничката авијација, бидејќи може да предизвика сериозни оштетувања на моторите, поради што во вакви случаи се спроведуваат задолжителни безбедносни проверки пред авионот повторно да биде пуштен во сообраќај.
