Откриени целите на масовниот руски напад врз Украина: Путин сака целосен мрак

Украинската компанија за нафта и гас „Нафтогас“ денеска соопшти дека во текот на ноќта цел на руски воздушни напади врз енергетската инфраструктура на земјата биле и два подземни складишта за гас.

— реклама —

„Рано утринава непријателот нападна два украински подземни складишта за гас. Тие капацитети сè уште продолжуваат да работат“, соопшти „Нафтогас“ на апликацијата „Телеграм“, пренесува „Ројтерс“.

— реклама —

Во областа Запорожје е оштетен енергетски инфраструктурен објект, јавуваат украинските медиуми.

— реклама —

Во текот на утрото Русија изврши напад врз енергетската инфраструктура во регионите Харков, Запорожје, Лавов и Киев, соопшти украинскиот министер за енергетика Херман Халушенко.

Како резултат на тоа, повеќе од 200.000 корисници останаа без струја во регионот на Харков.