Ова се првите седум ослободени заложници на Хамас, се спроведува мировниот план за Газа

Хамас ги ослободи првите седум израелски заложници како дел од мировниот план на американскиот претседател Доналд Трамп, објави израелското Министерство за надворешни работи на платформата Икс. Станува збор за заложници киднапирани за време на нападот на 7 октомври 2023 година, кои повеќе од две години биле држени во заробеништво.

— реклама —

„Чекавме 738 дена за да го кажеме ова: добредојдовте дома, Алон, Еитан, Гај, Зив, Гали, Омри и Матан!“, се вели во соопштението на Министерството, објавено заедно со фотографии од ослободените мажи.

— реклама —

View this post on Instagram

— реклама —

Според израелските власти, сите тие биле киднапирани во 2023 година за време на нападот на Хамас врз јужен Израел, кога милитантите убиле околу 1.200 луѓе и однеле повеќе од 250 заложници во Појасот Газа. Меѓу ослободените се Алон Охел, Еитан Мор, Гај Гилбоа-Далал, Зив и Гали Берман, Омри Миран и Матан Ангрест.

— реклама —

Заложниците, според израелските власти, биле држени во сурови и нехумани услови, без соодветна медицинска нега и под постојан надзор од страна на милитантите на Хамас.