Грција од 1 јануари 2026 дополнително ги заостри сообраќајните закони, па летувањето може сериозно да ви се расипе ако не сте внимателни.
Веќе не е само прашање на пари, туку и тоа што Грците станаа ригорозни со одземање на возачки дозволи и симнување на таблички, што ве остава „заробени“ во Грција без автомобил.
Она на што треба да се обрне внимание е дека Грците повеќе не дозволуваат да платите 50 отсто од казната ако тоа го направите веднаш (таа олеснување е укинатo). Сега се плаќа цел износ, а полицијата често веднаш на лице место ги симнува табличките, што е најголем проблем за туристите.
Пушење во кола
Ова е можеби најголемата „замка“. Ако во автомобил имате дете помало од 12 години, а вие (или било кој друг патник) запалите цигара, казната е 1.500 евра. Ако се пуши во такси или возило за јавен превоз, казната оди до 3.000 евра.
Покрај паричната казна следува и одземање на возачка дозвола на еден месец.
Безбедносен појас и детски седишта
Грчката полиција сега масовно казнува возачи и за грешки на патниците ако тие не се врзани. Казната е 150 евра по лице, а истата ја плаќа и возачот.
Детски седишта се задолжителни за деца до 12 години (или 135 см). Казната е 350 евра ако нема седиште.
Возење во папучи
Иако звучи како мит, во Грција е казниво возење со обувки кои не се фиксирани за стапалото. Казната е 50 евра.
Црвено светло и „Стоп“
Најстрого казнети прекршоци:
Минување на црвено: 700 евра, одземање дозвола 60 дена и таблички 20 дена
Непочитување STOP знак: 700 евра
Мобилен телефон
Користење телефон без hands-free: 350 евра и одземање дозвола 30 дена.
Важно: Од 2026 година казните за повторени прекршоци значително се зголемуваат – трет пат за ист прекршок може да значи одземање на дозвола до 8 години.
Паркирање на место за инвалиди (1.000 евра)
Казната за вакво паркирање е 1.000 евра, со одземање дозвола на 180 дена.
