212

(ВИДЕО) Сведштво: Што се случувало во Турција и по пат во автобусот каде животите ги изгубија 45 патници

„Така е напишано од Бог. Јас да бидам тој кој ќе спаси уште луѓе после мене. Му благодарам на Бог што ми даде втор живот“, рече Сулејмани, еден од преживеаните во автобуската несреќа во Бугарија.Вака Лулзим Сулејмани го започна разговорот со екипата на ТВ21 при нашата посета во Прешево. Тој е херојот кој од пламените јазици на автобусот ги извлекува малкумината спасени патници. Понудата на Беса Транс била примамлива, па така се одлучил да резервира за него и неговата свршеница.„Екскурзијата беше многу добра. Имавме и водич, кој не водеше секаде. Беше прекрасно. И шоферите беа добри, беа два и патот беше многу добар. Во двата правци имавме паузи. Во автобусот беа добри, ни даваа кафе, пијалаци, имавме паузи и така.“, изјави Сулејмани. Автобусот бил добар, но не знаеле дека нема лиценца.„Патот не беше тежок. Не возеше брзо. Нормално, како што вози автобус, 100. И автобусот беше добар, а за лиценцата не знам.“, вели Сулејмани.Лулзим се уште е во шок. Вели дека не може да спие, а сликите од трагедијата постојано се вртат во неговата глава. Еднаш неделно посетува психијатар во болницата во Врање.„Се ми се повторува во главата, 24 часа откако… Бидејќи јас бев буден и видов се од трагедијата и сега се ми се врти во главата. Сега не можам да спијам како претходно… Се будам, не можам да спијам, спиеш само 1-2 часа. Кога ќе се пробудиш, потоа не сакаш да спиеш. Не е како што беше…“, вели Сулејмани.Еден мал детаљ кој го забележал Лулзим при влегувањето во автобусот, спаси неколкумина.„Јас бев буден, но пред тоа, кога шетавме низ Турција, забележав каде стои чеканчето. И потоа кога се случи катастрофата, фала му на Бог што паметот ми беше во глава, стигнав до чеканчето, го скршив стаклото и излегов јас и после мене уште шест.“, рече Сулејмани.Ова е втор живот и за неговиот татко.„Јас како татко го доживеав најтешкото. Првиот пат слушнав дека тој е загинат. Тоа беше објавено по таа трагедија и после тоа дознав од други дека тој е жив и здрав и дека е во болницата и веднаш дојдов во Софија.“, вели Али Сулејмани, таткото на Лулзим. 

Македонија | пред 4 години

За бугарските истражители познато е зошто се запалил автобусот, заштитната ограда навлегла во автобусот

Познати се причините за пожарот во автобусот со македонски туристи кој се запали на автопатот „Струма“ во Бугарија. Ова го соопштија обвинителот Бисер Михајлов и истражителот Мариан Маринов кои работат на расветлување на трагедијата, за време на нивното гостување во емисијата „Лице в лице“ на бугарската телевизија БТВ. Тој додава дека големо парче од заштитната ограда навлегло во автобусот во пределот на предната гума до предната врата, а резервоарот кој бил пластичен е целосно уништен.– Можете да замислите какво триење и искри имало, коментира Михаилов.Истражителот додаде дека автобусот бил стар и бил на „ремонт“ во Турција и дека целата опрема му е заменета и дека допрва треба да се разјасни дали новата опрема е „нефабричка“.– Теориите на заговор кои кружат во јавноста се неточни, рече обвинителот Михаилов.Во автобусот немало експлозив, категоричен е Михаилов, а се осврнува на примероците и брисевите направени на остатоците од автобусот.Гостувањето во емисијата „Лице в лице“ погледнете го тука.

Македонија | пред 4 години

До утре треба да се завршат ДНК анализите на загинатите во автобуската трагедија во Бугарија

Министерот за здравство Венко Филипче изјави дека денеска или утре треба да завршат ДНК анализите на починатите во автобуската несреќа во Бугарија, по што, како што рече, ќе се организира транспортот на нивните тела во земјава.– Интензивно се работи да се завршат ДНК анализите. Тоа го работат колегите во Бугарија, нашите колеги тука од Институтот за судска медицина се во секојдневна комуникација со нив. Тоа е нешто што треба да се заврши денеска или утре по што ќе се организира транспортот на телата на починатите, рече Филипче во одговор на новинарско прашање по прес-конференцијата на Здружението на луѓето што живеат со ХИВ – Заедно посилни по повод Светскиот ден на СИДА.

Македонија | пред 4 години

„Зошто не бев во тој автобус, да умрам и јас“, прво интервју на сопственикот на „Беса транс“

Сопственикот на туристичката агенција „Беса транс“, Беким Хаџиу, за првпат откако се случи страотната несреќа на автопатот „Струма“ во Бугарија, проговори за деталите околу патувањето и автобусот кој изгоре, при што загинаа 45 луѓе.Хаџиу вели дека автобусот бил на технички преглед пред патувањето во Турција и дека бил целосно исправен. Тој ја исклучува можноста некои од патниците да внеле лесно запаливи материи. Потврдува дека тој и неговото семејство биле дел од патувањето и дека патувале со другите автобуси.Сопственикот на агенцијата вели дека досега не зборувал за медиумите поради тоа што бил во шок, но и дека во меѓувреме соработува со истражните органи за да се откријат причините за несреќата.„Си реков: зошто и јас не бев во тој автобус, да умрам и јас во автобусот. Многупати го помислив тоа“, вели Хаџиу за БНТ.Тој вели дека со семејството често патувале на турите кои ги организирале, а така било и овој пат. Тој и сопругата патувале во првиот автобус, а неговите деца биле во еден од другите автобуси. За страшната несреќа разбрал на границата, на излегување од Бугарија.„Им реков да ме однесат до местото, да видам со свои очи што се случило таму“, вели Хаџиу.Со такси, тој се вратил до местото на несреќата, каде останал неколку часа. Автобусот бил на технички преглед три недели пред несреќата, а пред секое патување, секое возило одело на сервис, вели Хаџиу.„Пред да тргнеме за Турција им правиме сервис, контролираме, а дури и кога ќе стигнеме во Истанбул, и таму одиме на сервис, превезуваме патници, да видиме каква е ситуацијата. Сѐ беше во ред и на патот натаму и кога бевме на сервис таму. Кога има нешто, ни велат веднаш да го поправиме“, вели Хаџиу.Тој негира дека туби со нелегално внесено гориво биле ставени во автобусот. Поради строгите проверки на бугарските граници, ја исклучува и можноста некој од патниците да внесол запаливи средства.„Туби има во секој автобус, тие се со вода, секој автобус треба да ги има, за секој случај. Тоа е резервна вода. Има строги контроли при влез во Бугарија, багаж, возач, сето тоа што се пренесува“, вели тој.Хаџиу ги опиша шоферите на автобусот како добри, искусни професионалци, кои многупати го поминале тој пат, а секогаш ги запазувале термините за одмор. Автобусот имал фабричко ограничување и не можел да оди побрзо од 100 километри на час. На прашањето дали автобусот ги имал сите неопходни документи, Хаџиу и неговиот адвокат велат дека сега нема да коментираат, затоа што истрагата трае.„Можеме категорично да кажеме дека фирмата „Беса транс“ поседува лиценца за изршување на транспортна дејност на територијата на Европа и за извршување туристичка дејност во и надвор од Република Северна Македонија“, вели адвокатот на Хаџиу, Љубомир Таков.Од моментот на несреќата Хаџиу е во Бугарија, каде нашол место за престој, за да им биде на располагање на истражителите и да помогне. Вели дека им стои на располагање и на семејствата на настраданите, со кои неговото семејство било во контакт.„Никој не сакаше ова да се случи, тоа сите го знаат. Таква трагедија на никој да не му се случи, тажна, многу тажна трагедија. Не знам што повеќе да кажам“, вели сопственикот на „Беса транс“ за БНТ.

Македонија | пред 4 години

Сопственикот на „Беса транс“ бил и како втор возач, тврди Русковска

Четири автобуси тргнале од Турција, но тие ја минале границата со Бугарија во различен период бидејќи дел од патниците инсистирале да одат на шопинг, а токму ова е причината за тоа зошто конвојот се раздвоил.Обвинителката Вилма Рускоска во изјава за Телма телевизија ги истакнува деталите кои на обвинителите за несреќата им ги открил сопственикот на „Беса Транс“.Таа вели дека и тој бил еден од возачите.„Всушност сопственикот бил и како втор возач. Кажа дека овој автобус возел позади нив. Значи тие веќе биле стигнати на граничниот премин во Бугарија, по излегување од Турција, а овие биле еден или два автобуси позади нив. Тогаш ми кажа дека тој и сопругата биле во тој вториот автобус, додека пак во четвртиот биле неговите деца“, истакна Рускоска.Според неа, сопственикот бил видно вознемирен и потресен.„Го прашав дали носеле резервни канти со гориво, вика нема шанси тоа да се случило“, вели Рускоска која додава и дека го прашала за патниците дали е можно тие да носеле нешто, но сопственикот бил дециден дека не се случило тоа.Во автобуската несреќа во Бугарија што се случи на автопатот „Струма“ на 23 ноември загинаа 45 лица, а седуммина кои беа повредени, беа хоспитализирани во софиската болница.

Македонија | пред 4 години

Денес пристигнуваат тројца од повредените во автобуската несреќа

Тројца од повредените во автобуската несреќа денес ќе бидат транспортирани во земјава со техничките капацитети на домашното здравство.Oд преживеаните една пациентка е на неврохирургија и се опоравува од неколкуте операции, на рбетот и на потколеницита. Хоспитализираните во земјава ќе добиваат и помош од психијатар за полесно да го поминат стресот и шокот кој го преживеале.Претходно министерот за здравство, Венко Филипче од пред Ургентниот центар, каде пристигнаа двете возила на Итната медицинска помош со повредените во несреќата во Бугарија, информираше дека во Македонија се донесени пациентка на 17 годишна возраст и пациент на 49 годишна возраст.Во изјава за медиумите истакна дека двајцата се стабилни, тие се со полесни повреди, и се задржани на лекување на Клиниката за пластична и реконструктивна хирургија.

Македонија | пред 4 години

Утре пристигнуваат уште тројца од повредените во автобуската несреќа

Тројца од повредените во автобуската несреќа најверојатно утре ќе бидат транспортирани во земјава со техничките капацитети на домашното здравство.Oд преживеаните една пациентка е на неврохирургија и се опоравува од неколкуте операции, на рбетот и на потколеницита. Хоспитализираните во земјава ќе добиваат и помош од психијатар за полесно да го поминат стресот и шокот кој го преживеале.Вчера министерот за здравство, Венко Филипче од пред Ургентниот центар, каде пристигнаа двете возила на Итната медицинска помош со повредените во несреќата во Бугарија, информираше дека во Македонија се донесени пациентка на 17 годишна возраст и пациент на 49 годишна возраст.Во изјава за медиумите истакна дека двајцата се стабилни, тие се со полесни повреди, и се задржани на лекување на Клиниката за пластична и реконструктивна хирургија.

Македонија | пред 4 години

Сопственикот на Беса Транс: Патниците ги сметаме за фамилија, и порано доаѓале на нашите тури

Сопственикот на Беса Транс, Беким Хаџиу, преку социјалните мрежи изрази сочувство до семејствата на жртвите од сообраќајката во која 45 граѓани ги загубија животите патувајќи во неговиот автобус.„Алах да им даде рај на починатите, а на повредените што поскоро опоравување. Овие зборови ги кажувам со жалење и со повредено срце. Тие беа исто така наше семејство, бидејќи секогаш кога патувавме и патниците ги сметавме за фамилија. Четири дена бевме заедно во Истанбул и забележав дека повеќето и порано доаѓале со нас на тури со нашите автобуси за Истанбул. Овие тестови се од Алах и верувам дека се прифатени од секој верник, неговата волја не може да биде променета ни за минута и бараме од Алах никого да не тестира”, напиша Хаџиу на Фејсбук.

Македонија | пред 4 години

Експерти: Главната причина за автобуската несреќа не треба да се бара во состојбата на патот

Главната причина за тешката сообраќајка на автопатот Струма не треба да се бара во состојбата на патот. Ова го истакна претседателот на Здружението „Безбедност на патиштата“ проф.д-р инж. Румен Миланов во програмата „Зборувај сега“ на БНТ.Тој додаде дека на лице место извршил увид на кобната делница на автопатот Струма. Според него, проширувањето на автопатот и заштитната ограда што го опкружува се на доволно растојание од десната лента и не треба да ги доведе во заблуда возачите кои минуваат и покрај темнината и амортизираните ознаки.Миланов очекува прегледите да завршат во рок од две недели и да се разјасни движењето и состојбата на автобусот непосредно пред ударот.Според проф. Миланов, останува неодговорено прашањето за појавата на ненадејниот и толку интензивен пожар. Според него нафтата не треба да предизвикува вакво горење.Претседателот на Здружението на експерти и експерти, проф. Симеон Ананиев, рече дека е исклучително важно да се утврди колку брзо се движел автобусот непосредно пред ударот. Ова исто така ќе одговори на прашањата за појавата на последователниот пожар.Тој посочи дека е многу важно да се утврди фактичката состојба на автобусот, како и колку навистина е старо возилото. Деновиве стана јасно дека опожарениот автобус сообраќал со документи на друго возило на превозникот. Затоа во моментов не се јасни ниту староста на автобусот ниту неговата техничка состојба.Ананиев рече и дека ако автобусот всушност бил стар три години, чудно е што не се активирани современите интелигентни системи за заштита, кои претпоставуваат автоматско отворање на вратите во случај на чад.„Во транспортот, многу од прописите се напишани со крв. Оттука, важно е што правиме за нашите патишта за да можеме да ги минимизираме несреќите“ рече Симеон Ананиев.

Македонија | пред 4 години

„Ајла сакаше да биде наставничка, Ергин да има ресторани за да ги храни сиромашните“, наставничка раскажа за соништата на загинатите деца

Снимателот од МИА, Аслан Вишко, ја подели траотната атмосфера која изминатите денови владее во училиштето „Исмаил Ќемали“. Во оваа институција, учеа пет деца кои ги изгубија животите во автобуската трагедија во Бугарија. Наставничка на две од децата, раскажала за соништата на две од децата.„Алја, сакаше да биде наставничка по англиски со желба да ја пренесе љубовта и знаењето од нејзината наставничка. А Ергин? Е тој сакаше да биде ‘the boss’ (газда). Да има многу ресторани во кои ќе ги храни сиромашните. Со солзи на очите раскажува нивната наставничка. Прекрасни и воспитани деца беа тоа. Солзите сами течат“, напиша Вишко во објавата на социјалните мрежи.Тој сподели и фотографии на кои се гледаат празните клупи, како и местата каде што седеле учениците на кои сега цвеќиња во знак на почит.Во придружба на првиот вицепремиер Артан Груби, денеска европратеникот Илхан Ќучук, го посети ОУ „Исмаил Ќемали”, во Чаир, чии пет ученици загинаа во големата собраќајна трагедија во Бугарија. Посетата на Ќучук, на ова основно општинско училиште, како што изјави Груби, е реализирано по желба на самиот европратеник, со единствена цел даискаже почит кон жртвите од трагичниот настан во Бугарија каде што загинаа 45 наши сограѓани.

Македонија | пред 4 години

Шест прашања на Милошоски за автобуската трагедија која однесе 45 животи

Пратеникот Антонијо Милошоски сподели насловна страна од бугарски весник во кој пишува дека во автобусот на „Беса транс“ кој изгоре, се превезувала суровина за хероин.„Ова е организиран криминал и трагедија❗ Зошто 4 дена никој не можеше да изврши контрола во седиштето на БЕСА ТРАНС? Зошто во Собранието не се закажуваат пратенички прашања на кои би одговарале МВР, М.Транспорт и директорот на Инспекторатот за транспорт? Случајно ли од МВР незаконски беа издавани пасоши за нарко босовите од Турција? Зошто автобусот бил толериран да вози без лиценца 130 пати до Истанбул и назад? Зошто турите до Истанбул биле многу ефтини за патниците? Зошто изгореа 45 живи и здрави млади луѓе и деца? Дали оваа пеколна трагедија е цената која мораше да се плати со жртви заради организиран илегален превоз на анхидридна киселина која се користи за производство на хероин ⁉️ п.с. и зошто другите автобуси од БЕСА ТРАНС , кои ја возеле истата тура, не застанале да видат што се случило, да почекаат преживеан, да помогнат, туку веднаш заминале преку граница кон МК? Дали можеби им било побитно да избегнат било каков претрес на багажот од бугарската полиција?“, прашува Милошоски.

Коментари | пред 4 години

„Осум години чекаа да имаат дете, тогаш се појавија близнаците“, роднините на најмладите жртви потопени во тага

Луан и Албан. Двајцата браќа кои ќе останат засекогаш на четиригодишна возраст, пишува бугарски „Новини“. Тие се најмладите патници во автобусот кој на 23 ноември фатално удри на автопатот Струма.Нивните родители Авни и Џихан се познавале уште од детството. Тие биле соученици, а потоа основале семејство. Вака за БТВ изјави братот на Авни, Имер Барди Ахмети. Среќните родители одлучија да ги однесат своите деца во Истанбул за време на викендот.„Двајцата беа заедно од градината, па од училиште, па во брак, чекаа 8 години да имаат дете. Тогаш се појавија близнаците. Тешко многу! Но, што да се прави, тоа е она што го сакаше Бог. Ние сме верници и веруваме во тоа. И ја чекаме вистината“, рече Ахмети.Разговарал со својот брат додека патувале.„Ми кажа дека децата спијат и дека ќе пристигнат во Македонија околу 2-2:30 часот и рече дека ќе ми пише. И кога се разбудив утрото, никој не ми пиша. Ништо... и тогаш сфатив дека автобусот изгоре. И веднаш тргнавме од Регенсбург со сестра ми внуците“, рече човекот и додаде: „Сите автобуси што тргнаа од Македонија се вратија, само еден, овој автобус не се врати, а јас знаев дека во него е и мојот брат“.Роднините се надеваат дека наскоро ќе ги испратат своите роднини на последното патување. По непремостливата загуба, бран со солзи и неизмерна тага го преплавува семејството. Пријатели и роднини расфрлани низ светот доаѓаат во скопското Стајковци да го утешат семејството Ахмети.Извор:Новини.бг

Македонија | пред 4 години

Сопственикот на „Беса транс“ не може да биде виновен за автобуската трагедија, кажа бугарскиот обвинител

Во предметот за автобуската трагедија во која загинаа 45 лица, не може да биде обвинет сопственикот на компанијата „Беса транс“, соопшти Бисер Јорданов Михајлов, заменик окружен јавен обвинител на Окружното јавно обвинителство Перник. Тој во одговор на новинарски прашања кажа дека конкретна вина се бара кај лице кое учествувало во превозот на патници или конкретно кај возачите.„Сопственикот не може да биде обвинет бидејќи тој не бил возач на автобусот. Тој за конкретната патна незгода не може да биде обвинет“, рече Бисер Јорданов Михајлов, заменик окружен јавен обвинител на Окружното јавно обвинителство ПерникПрашан како може сопственикот да не биде виновен, кога тој дава налог за автобусот да биде испратен на пат, обвинителот одговори: „Вие дали разбирате дека кога настанала сообраќајната несреќа, со загинати, за жал, се бара причина која треба да се утврди и конкретна вина кај лице“.

Македонија | пред 4 години

Соптвеникот на „Беса транс“ бил на распит, бугарското обвинителство најави расчистување на случајот

Државното јавно обвинителство денеска ги предаде на бугарското обвинителство материјалите поврзани со истрагата и со идентификацијата на жртвите во тешката автобуска несреќа во Бугарија.Утринава бил сослушан и сопственикот на превозната фирма „Беса Транс“ и тој е достапен за македонските истражни органи, соопштија од македонското и од бугарското обвинителство. Дали за него ќе следува мерка притвор, ќе одлучува надлежниот јавен обвинител.Јавниот обвинител Љубомир Јовески изјави дека на бугарските колеги им се предадени ДНК профилите на роднините на несреќно загинатите патници во несреќата, записници од осум сослушани сведоци, предметот оформен во Министерството за транспорт и врски за лиценцата на превозникот „Беса Транс“ и целокупната документација за автобусот со кое располага македонското Министерство за внатрешни работи.„За потребите на обвинителството на Бугарија и на обвинителството на Северна Македонија се продолжува со сослушување и на други лица. Наидовме на целосно разбирање од обвинителството од Бугарија и од утре двајца експерти од Институтот за судска медицина заминуваат во Софија за забрзување на постапката на идентификација на настрадануте“, изјави Јовевски.На прес-конференцијата присуствуваа и Бисер Јорданов Михајлов, заменик окружен јавен обвинител на Окружното јавно обвинителство Перник и Младен Христов Петров, истражител во Националната истражна служба на Република Бугарија. Тие изразија сочувство до семејствата за трагичната несреќа и изјавија дека координацијата меѓу македонските и бугарските истражни власти е на исклучително високо ниво.„Ова е страшна несреќа што се сличи, и ве убедувам дека координацијата меѓу двете држави е на високо ниво и откако се случи сообраќајната несреќа институциите постојано работат на расчистување на случајот. Продолжуваме со истата активност и бидејќи се работи за обемна документација, не може се уште да се кажат точните причини за несреќата“, изјави Јорданов Михајлов.

Македонија | пред 4 години

Бугарска министерка за тоа како избувнал пожарот и брзо се проширил: околу нас е полно со експлозивни предмети

На денот на несреќата излегов на местото на настанот, разговарав со премиерот Јанев и тој ме советуваше да не одам. Ова во „Денот почнува“ со Георги Љубенов го објасни привремената министерка за регионален развој, Виолета Комитова за „БНТ“.„Слушнав повеќе од 40 експерти на сите телевизии, дури бев изненадена што во Бугарија има толку многу експерти за безбедност на патиштата. Никој не кажува дека тоа се случило во текот на ноќта, дека врнело, дека патот бил лизгав, дека има отсјај, истакна Комитова.„Ова е катастрофа во комбинација со пожар, имам работено многу во оваа област - противпожарна заштита на згради. Од пожарот, потешка е експлозијата, едноставно нема време да се реагира“, додаде Комитова.„Овде има нешто многу чудно - овој пожар многу брзо и избувна, ова се случува во многу посебни случаи. На пример - ќе ви кажам нешто многу важно - дека брашното, на пример, е експлозивно. Кога брашното ќе се измеша со воздухот, се прави експлозивна смеса. Боја - многу експлозивна работа... Односно, околу нас е полно со експлозивни предмети, за кои не ни се сомневаме“, објасни Комитова.Според неа, пожарот во автобусот зафатил предмети кои многу брзо изгореле и немало време да се реагира.„Главниот обвинител му нареди на ВАП да ги проверува автопатиштата низ земјата. За жал, извештајот од увидот на пат не е завршен, објасни регионалниот министер.„Овој пат не е ниту автопат, ниту автопат според документи“, додаде Комитова.

Македонија | пред 4 години