Скопје вечерва е вториот најзагаден град во Европа, според податоците на IQAir. Индексот на квалитет на воздухот (AQI) во главниот град е 141, односно се наоѓа во категоријата „нездрав за сензитивни групи“.Почна периодот на загадување во Скопје, воздухот е нездрав и отровен. Скопје е на 21-то место во светот по загаденост на воздухот.
Скопје | пред 3 седмици
Според податоците на платформата за мерење на загаденост на воздухот „Ај-кју ер“, Скопје и денес е најзагаден град во Европа и петти во светот.Утрово околу 10 часот и 31 минута, главниот град се искачи веднаш по Лахор, Делхи, Ханои и Чонгкинг.Со индекс од 165, воздухот во Скопје се нареди во категоријата на „нездрав воздух“, означена со црвена боја.Најзагадено е во Лисиче, а потоа е кај Ректорат и во Гази Баба.Веднаш по него, на шестото место во светот е Приштина со индекс од 160.Главен загадувач што е наведен се ПМ 2,5 честичките, чија концентрација е 74,9 микрограми на кубен метар, додека ПМ 10 честичките се со концентрација од 84,5 микрограми на кубен метар.Според упатството за квалитетот на воздухот на Светската здравствена организација (СЗО), концентрацијата на ПМ 2,5 во Скопје во моментов е 15 пати поголема од годишната вредност.
Скопје | пред 11 месец
В сабота почнува протестнинот марш „За чист воздух“ кој од Министерство за животна средина ќе продолжи преку Собранието, Владата и ќе заврши пред зградата на Град Скопје.Зад протестот стојат „Шанса за Центар“ заедно со повеќе граѓански организации. Од таму велат дека надлежните се уште не одговориле на барањата за чист воздух, по протестот што се одржа на 10 декември.„Протестираме бидејќи секоја година повеќе од 3.800 луѓе во Македонија ги губат своите животи како директна последица на изложеноста на штетните честички PM2.5. Ова претставува 17,7 отсто од вкупната смртност во државата. Особено загрижувачки е фактот дека едно од девет починати деца под една година го губи животот поради загадениот воздух“, се вели во повикот.Бараме од надлежните институции итно и системско справување со загадувањето на воздухот преку имплементација на овие ефикасни мерки кои ќе го заштитат здравјето на граѓаните и драстично ќе го намалат аерозагадувањето, се додава во повикот.Протестот е поддржан и од „Зелен хуман град“, „Skopje Smog Alarm“, „Независни за Карпош“, „O2 Иницијатива“, „Зелените Од Гази Баба“, „Иницијатива за ослободување од еднократна пластика“, „НаТочак“, „Биди Зелен“ и „Слобода на Говорот“.
Скопје | пред 11 месец
Македонија утрово е на седмото место по нивото на загаден воздух, споредено со останатите земји во светот. Истовремено, највисоко на листите е Скопје, кој се наоѓа на петтото место по загаден воздух.Ова го покажуваат страниците „IQair“ и „Waqi.info“ кои прибираат и сублимираат податоци од сите станици за мерење на квалитетот на воздухот. Воздухот во Скопје, според веб-сервисот, е нездрав за дишење.Според податоците на платформата Ај Кју Еар концентрацијата на ПМ2,5 честичките е зголемена за 15,7 пати над горната граница утврдена од страна на СЗО и изнезува 78,7 микрограми на метар кубен, а ПМ10 честичките се со концентрација од 83,9 микрограми.Од Град Скопје досега не испратиле ни соопштение, ни презентирале мерки што планираат да прават за да се справат со загадениот воздух. Во исто време, истите серивси често покажуваат дека жителите се гушат со загаден воздух.
Македонија | пред 1 година
„7 години влаcта на СДС и ДУИ не презема ништо за намалување на загаденоста на воздухот. 7 години нивото на загаденост на воздухот, не само што не се намали, туку и се зголеми. Тие кои што не направија ништо за подобрување на квалитетот на воздухот, сега глумат душегрижници“, вели Анета Марковска Илиевска, советник во Совет на Град Скопје.„СДС треба да знаат дека за разлика од нив, владата на ВМРО-ДПМНЕ ќе преземе сериозни мерки за намалување на загадувањето на воздухот.Ќе се воведат строги ограничувања за најштетните извори на енергија и ќе се контролираат најголемите индустриски загадувачи.Владата ќе обезбеди субвенции за граѓаните и фирмите кои ќе користат чисти енергетски решенија. Таквата пракса веќе почна со субвенциите за инвертер клими.Владата ќе започне програма за масовно пошумување и засилено чистење на јавните простори. Овие мерки покрај забрзаната гасификација која ја најави премиерот и когенеративната централа, ќе значат намалување на загаденоста на воздухот на среден рок и ќе обезбедат почиста животна средина“, изјави Анета Марковска Илиевска, советник во Совет на Град Скопје.
Скопје | пред 1 година
Креаторот на „Мој воздух“, Горјан Јовановски преку социјалните мрежи објасни зошто има разлики во податоците при следење на загадувањето на воздухот меѓу различните апликации.„Периодов добивам повеќе прашања околку податоците што апликациите за следење на загадувањето ги имаат, па да ги разјасниме работите:⁉️ Зошто гледам различни бројки на AirCare и IQAir?- AirCare користи EU AQI како основен индекс за загадување, додека IQAir користи US AQI. Тие се тотално различни скали (едната од 0 до 100, другата од 0 до 500), па затоа кога гледате US AQI бројките се поголеми. Ако сакате да ги споредувате апликациите, AirCare во менито од страна нуди можност да се смени апликацијата во US AQI.⁉️ Од каде доаѓаат податоците во апликациите?- AirCare користи податоци од државни и од волонтерски мерни станици, додека IQAir користи само државни, што значи помало покривање и помалку податоци кога државните ќе се расипат.⁉️ Зошто на IQAir гледам дека некои станици имаат податоци, а вие викате дека немаат?- Зошто IQAir ги покажува последните податоци измерени од една станица, без разлика колку се стари, дури и по 12 часа. Во AirCare штом повеќе од 60 минути немаме нов податок, ја обележуваме станицата дека нема вредност. Транспарентноста е клучна.⁉️ IQAir направи рангирање на Скопје на Х место во светот по загаденост!- И да, и не. Прво, IQAir јавно не ја кажвуаат нивната методологија на рагинрање на градови. Второ, Скопје често е на топ листи во Европа, но на светско ниво има огромен број на градови во земји како Кина, Индија, Пакистан што се далеку позагадени. Без јасна методологија на кои градови се рангираат, и како, и колку често, IQAir само си прават можност за реклама од медиуми.⁉️ Епа добро, на кое место е Скопје според загаденост?AirCare прави многу појасно рангирање на градови низ светот. Нашата методологија споредува моментална загаденост на градови кои имаат над 300.000 жители, и може да се види и во апликацијата и на веб страната: https://getaircare.com/web/⁉️ Ама апликација Х е од Швајцарија/Германија/Америка, сигурно е подобра?- Апликација е, не е кола 🙂“, се вели во објавата на Јовановски.
Македонија | пред 1 година
Министерот за здравство Беким Сали на социјалните мрежи објави совети како граѓаните да се заштитат од загадениот воздух.Носете маска за да го заштитите вашиот респираторен систем кога квалитетот на воздухот е лош и избегнувајте активности на отворено кога нивото на загадување е високо.За време на високо загадување, држете ги прозорците и вратите затворени за да помогнете во спречување на загадувачите на надворешниот воздух да влезат во вашиот дом.Здравата исхрана богата со овошје и зленчук може да помогне во зајакнувањето на вашиот имунолошки систем, што може да ве заштити од негативните ефекти на загадувањето.Пиењето многу вода може да помогне да се исфрлат токсините од вашето тело и да се одржи вашиот респираторен систем здрав.Наместо да вежбате на отворено, размислете да одите во вежбална или да вежбате дома кога квалитетот на воздухот е лош.Да се пијат антиоксиданси, витамин Ц,Д, цинк и други витамини.Ако имате веќе постоечка респираторна состојба, како што е астма, задолжително следете ги советите на вашиот лекар за управување со вашата состојба заштита од загадување
Македонија | пред 2 години
Нашата веб-страница користи колачиња за подобрување на корисничкото искуство и анализа на сообраќајот.
Прв ќе ги дознаваш ударните и вонредните случувања